Appointment Orders For JPS In Telangana : జూనియర్ పంచాయతీరాజ్ కార్యదర్శుల క్రమబద్ధీకరణపై ప్రభుత్వం ఆదేశాలు

Appointment Orders For JPS In Telangana : రాష్ట్రంలో ఉన్న 9,355 మంది జూనియర్​ పంచాయతీరాజ్​ కార్యదర్శులను క్రమబద్ధీకరిస్తూ రాష్ట్ర ప్రభుత్వం ఉత్తర్వులు ఇచ్చింది. అయితే 70 శాతానికి పైగా స్కోరు సాధించిన వారికే నియామక ఉత్తర్వులు అందించాలని పంచాయతీరాజ్​ శాఖ కలెక్టర్లకు ఆదేశాలు జారీ చేసింది. మరోవైపు గ్రామపంచాయతీ ఉద్యోగులు, కార్మికులు రేపటి నుంచి విధుల్లో చేరనున్నారు.

Appointment Orders For JPS In Telangana : జిల్లా స్థాయి కమిటీ పరిశీలన అనంతరం 70 శాతానికి పైగా స్కోరు సాధించిన జూనియర్ పంచాయతీరాజ్ కార్యదర్శులను క్రమబద్ధీకరించి నియామక ఉత్తర్వులు అందించాలని రాష్ట్ర ప్రభుత్వం(Telangana Government) స్పష్టం చేసింది. 9,355 మంది జేపీఎస్(JPS)​లను క్రమబద్దీకరించాలని గతంలో తీసుకున్న నిర్ణయం మేరకు ప్రక్రియపై జిల్లా కలెక్టర్లకు పంచాయతీరాజ్ శాఖ ఆదేశాలు జారీ చేసింది. మరోవైపు రేపటి నుంచి పంచాయతీ రాజ్​ శాఖ మంత్రి ఎర్రబెల్లి దయాకర్​ రావు హామీ మేరకు గ్రామ పంచాయతీ ఉద్యోగులు, కార్మికులు విధుల్లో చేరనున్నారు.

జూనియర్​ పంచాయతీ కార్యదర్శు(Junior Panchayat Secretaries)లకు నిర్ధేశించిన అంశాల్లో జిల్లా స్థాయి మూల్యాంకన కమిటీ చేసిన పరిశీలనలో 70 శాతానికి పైగా స్కోరు వచ్చిన వారికి నియామక ఉత్తర్వులు జారీ చేయాలని తెలిపింది. 70 శాతం కంటే తక్కువ స్కోరు చేసిన వారి పనితీరును మరో ఆర్నెళ్ల పాటు పరిశీలించాలన్న ప్రభుత్వం.. ఆ తర్వాత మరోమారు మూల్యాంకనం చేయాలని పేర్కొంది.

Telangana Junior Panchayat Secretaries Regular News : వారి పనితీరు సంతృప్తికరంగా అనిపిస్తే తగిన చర్యలు తీసుకోవాలని సూచించింది. జేపీఎస్​ల పనితీరు, వివరాలు అన్నింటినీ మొబైల్ యాప్​లో నమోదు చేయాలన్న పంచాయతీరాజ్ శాఖ.. క్రమబద్ధీకరణ నియామక ఉత్తర్వులను పొందుపర్చాలని తెలిపింది. 2018 ఆగస్టు 31వ తేదీన డైరెక్ట్ రిక్రూట్​మెంట్​ విధానంలో నియమాకమై నాలుగేళ్లు పూర్తి చేసుకొని 70 శాతానికి పైగా స్కోరు సాధించిన వారిని మాత్రమే క్రమబద్ధీకరించాలని స్పష్టం చేసింది.

రేపటి నుంచి విధుల్లో చేరనున్న గ్రామ పంచాయతీ ఉద్యోగులు, కార్మికులు : రేపటి నుంచి విధుల్లో చేరనున్నట్లు గ్రామపంచాయతీ ఉద్యోగ, కార్మికుల ఐకాస ప్రకటించింది. ఈ మేరకు ఉద్యోగ, కార్మికుల ఐకాస ప్రతినిధులు పంచాయతీరాజ్ శాఖ మంత్రి ఎర్రబెల్లి దయాకర్ రావు(Errabelli Dayakar Rao), ముఖ్య కార్యదర్శి సందీప్ కుమార్ సుల్తానియాకు లేఖ రాశారు. సీపీఎం నేతలు జూలకంటి రంగారెడ్డి, సీతారాములు ఆధ్వర్యంలో నిన్న ఐకాస ప్రతినిధులు మంత్రి ఎర్రబెల్లిని కలిశారు.

Gram Panchayat Employees Will Join Duties From Tomorrow : ఆర్థికపరమైన అంశాలను ముఖ్యమంత్రి కేసీఆర్ దృష్టికి తీసుకెళ్తానని, ఇతర అంశాలను పరిశీలిస్తామని మంత్రి వారికి హామీ ఇచ్చారు. సమ్మె విరమించి విధుల్లో చేరాలని మంత్రి వారికి విజ్ఞప్తి చేశారు. మంత్రి దయాకర్ రావు సూచన మేరకు సమ్మె విరమిస్తున్నట్లు ఐకాస ప్రతినిధులు ప్రకటించారు. దీంతో గత 34 రోజులుగా చేస్తున్న సమ్మెను విరమించి రేపటి నుంచి విధుల్లోకి చేరనున్నట్లు గ్రామ పంచాయతీ ఉద్యోగ, కార్మిక ఐకాస తెలిపింది.