పోలవరం ప్రాజెక్టును పరిశీలించిన జగన్‌

పోలవరంలో ఆంధ్రప్రదేశ్​ ముఖ్యమంత్రి జగన్‌ పర్యటిస్తున్నారు. విహంగవీక్షణం ద్వారా పోలవరం నిర్మాణ పనులను సీఎం పరిశీలించారు. కాసేపట్లో ఇంజినీర్లు, అధికారులు, గుత్తేదారులతో ముఖ్యమంత్రి సమీక్ష నిర్వహించనున్నారు.

ఏపీ సీఎం జగన్‌మోహన్‌రెడ్డి పోలవరం ప్రాజెక్టును సందర్శించారు. తాడేపల్లిలోని సీఎం క్యాంపు కార్యాలయం నుంచి ప్రత్యేక హెలికాప్టర్‌లో బయలుదేరిన ఆ రాష్ట్ర ముఖ్యమంత్రి ప్రాజెక్టు పనుల తీరును విహంగవీక్షణం ద్వారా పరిశీలించారు.

అనంతరం ఇంజినీర్లు, అధికారులు, గుత్తేదారులతో జగన్‌ సమీక్షించనున్నారు. ప్రాజెక్టు సమావేశ మందిరంలో ఏపీ సీఎం అధికారులతో ప్రాజెక్టు పనులపై చర్చించనున్నారు.

ఇదీ చూడండి: రాష్ట్రంలో కొత్తగా 384 కరోనా కేసులు, 3 మరణాలు