'ఏపీలో బీసీలకు పోటీ చేసే అవకాశం లేకుండా పోయింది'

ఆంధ్రప్రదేశ్ బీసీ నాయకులు బీసీ సంక్షేమ సంఘం జాతీయ అధ్యక్షుడు ఆర్.కృష్ణయ్యను కలిసి సమస్యలపై వినతిపత్రం సమర్పించారు. అనేక పదవుల్లో బీసీలకు ప్రాధాన్యత తగ్గిందని... కొన్ని నియోజకవర్గాల్లో బీసీలకు పోటీ చేసే అవకాశం లేకుండా పోయిందని వాపోయారు.

హైదరాబాద్​ విద్యానగర్​లోని బీసీ భవన్​లో ఆంధ్రప్రదేశ్​లోని కృష్ణా జిల్లా తిరువూరు నియోజకవర్గ బీసీ నేతలు... బీసీ సంక్షేమ సంఘం జాతీయ అధ్యక్షుడు ఆర్.కృష్ణయ్యను కలిశారు. ఉమ్మడి రాష్ట్రం నుంచి వేరైనప్పటి నుంచి.. నేటి వరకు ఆంధ్రప్రదేశ్​లోని కొన్ని నియోజకవర్గాల్లో బీసీలకు పోటీ చేసే అవకాశం లేకుండా పోయిందని వాపోయారు. అనేక నామినేటెడ్ పదవుల్లో బీసీలకు ప్రాధాన్యత తగ్గిందని కృష్ణయ్యకు వినతి పత్రం సమర్పించారు.

ఆంధ్రప్రదేశ్​లోని నామినేటెడ్​ పోస్టుల్లో బీసీలను మాత్రమే నియమించాలని కృష్ణయ్య... ఏపీ ముఖ్యమంత్రి జగన్​కు విన్నవించారు. ఏపీలోని అనేక నియోజకవర్గాల్లో అగ్రకులాల పెత్తనం కొనసాగుతోందన్నారు.

ఇవీ చూడండి: బిహార్​ పోరులో దళిత ఓటరు ఎటువైపు?