మరో 21 అంబులెన్సులను ప్రారంభించిన మంత్రి కేటీఆర్

మంత్రి కేటీఆర్ జన్మదినం సందర్భంగా చేపట్టిన గిఫ్ట్ ఏ స్మైల్ కార్యక్రమంలో భాగంగా శనివారం మరో 21 అంబులెన్సులను ప్రభుత్వానికి అందజేశారు ప్రజాప్రతినిధులు. ఈ అంబులెన్సులను ప్రగతిభవన్​లో మంత్రి కేటీఆర్ ప్రారంభించారు.

మంత్రి కేటీఆర్​ జన్మదిన సందర్భంగా ప్రారంభించిన గిఫ్ట్​ ఏ స్మైల్​ కార్యక్రమంలో భాగంగా అంబులెన్సుల ప్రారంభోత్సవం కొనసాగుతోంది. శనివారం మరో 21 అంబులెన్సులను ప్రగతి భవన్​లో కేటీఆర్​ ప్రారంభించారు.

మంత్రులు ఈటల రాజేందర్, మల్లారెడ్డి, శ్రీనివాస్ గౌడ్, ఎంపీలు రంజిత్ రెడ్డి, శ్రీనివాస్ రెడ్డి మూడు చొప్పున, మంత్రి నిరంజన్ రెడ్డి ఒకటి, ఎమ్మెల్యే మర్రి జనార్దన్ రెడ్డి రెండు, చీఫ్ విప్ వినయ్ భాస్కర్, ఎమ్మెల్యేలు నన్నపనేని నరేందర్, ఉపేందర్ రెడ్డి, ఆరూరి రమేశ్​, ఎమ్మెల్సీ మహేందర్ రెడ్డి, వరంగల్​కు చెందిన లక్ష్మణరావు ఒక్కో అంబులెన్స్​ను విరాళంగా ఇచ్చారు.

ఉమ్మడి మహబూబ్ నగర్, హైదరాబాద్, కరీంనగర్, రంగారెడ్డి, వరంగల్, ఖమ్మం జిల్లాలోని పలు నియోజకవర్గాల్లో సేవలు అందించేందుకు ఈ అంబులెన్సులను వినియోగించనున్నారు.

ఇదీ చదవండి: మంత్రి ఐనా ఊరిలో సామాన్యుడే... పన్ను కట్టిన ఎర్రబెల్లి