'ప్రజాప్రతినిధులు కూడా ప్రభుత్వ ఆస్పత్రుల్లో చికిత్స తీసుకోవాలి'

రాష్ట్ర వ్యాప్తంగా ఉన్న ప్రభుత్వ ఆస్పత్రులను బలోపేతం చేసి... యుద్ధప్రాతిపదికన మౌలిక సదుపాయాలు చేపట్టాలని అఖిలపక్ష నాయకులు ప్రభుత్వాన్ని డిమాండ్ చేశారు. ప్రభుత్వ నిర్లక్ష్యం వల్లే ఆస్పత్రులు నిర్వీర్యం అవుతున్నాయని ఆరోపించారు.

కింగ్​కోఠిలోని హైదరాబాద్ జిల్లా కొవిడ్​ ఆస్పత్రిని అఖిలపక్ష నాయకులు సందర్శించారు. తెదేపా తెలంగాణ రాష్ట్ర అధ్యక్షుడు ఎల్​.రమణ, తెజాస అధ్యక్షుడు ఆచార్య కోదండరామ్, సీపీఐ రాష్ట్ర కార్యదర్శి చాడ వెంకట్ రెడ్డి ఆస్పత్రిని పరిశీలించారు. కరోనా బాధితులకు ఇస్తున్న చికిత్స, తీసుకుంటున్న జాగ్రత్తలపై ఆస్పత్రి సూపరింటెండెంట్​ శంకర్​ను అడిగి తెలుసుకున్నారు.

ప్రభుత్వ ఆసుపత్రుల్లో బెడ్లు ఖాళీగా ఉన్నప్పటికీ... కొవిడ్ పేషెంట్లు రావడం లేదని... ప్రభుత్వం మీద నమ్మకం లేకనే బాధితులు రావడంలేదని వారు ఆరోపించారు. సౌకర్యాలు ఉన్నా... పేషంట్లు రావడం లేదని ఈ విషయంపై ప్రభుత్వమే ప్రజలకు అవగాహన కల్పించాలని సూచించారు. ప్రభుత్వ ఆస్పత్రులకు సామాన్య ప్రజలతో పాటు... ప్రజాప్రతినిధులు కూడా రావాలని కోరారు.

ఇదీ చూడండి: త్వరలో తెలుగు రాష్ట్రాల మధ్య ఆర్టీసీ సర్వీసులు..!