బ్యాంకు ఉద్యోగుల్లో రోజురోజుకు కరోనా పాజిటివ్ కేసులు పెరిగిపోతున్నాయని.. వారిని రక్షించేందుకు ప్రభుత్వం తగిన చర్యలు తీసుకోవాలని ఏఐబీవోసీ ప్రతినిధులు కోరారు. ఈ మేరకు మంగళవారం వ్యవసాయ శాఖ మంత్రి సింగిరెడ్డి నిరంజన్రెడ్డిని కలిసి వినతిపత్రాన్ని సమర్పించారు.
ఉద్యోగుల సంఖ్యను 50 శాతానికి తగ్గించి.. రోజు మార్చి రోజు విధులకు హాజరయ్యేలా అవకాశం కల్పించాలని కోరారు. ప్రతి శనివారాన్ని సెలవు దినంగా ప్రకటించాలని తెలిపారు. సానుకూలంగా స్పందించిన మంత్రి నిరంజన్రెడ్డి.. విధానపరమైన నిర్ణయాల విషయంలో జోక్యం చేసుకోలేనని మంత్రి వెల్లడించారు. వారి సమస్యపై ఎస్ఎల్బీసీకు సిఫార్సు చేయనున్నట్లు మంత్రి నిరంజన్రెడ్డి హామీ ఇచ్చారు.
