జలమండలి సిబ్బందికి సినీ నటి అలేఖ్య చేయూత

సినీ నటి అలేఖ్య ఆధ్వర్యంలో సికింద్రాబాద్​ నియోజకవర్గ పరిధిలోని జలమండలి సిబ్బందికి నిత్యావరాలు పంపిణీ చేశారు. ఈ కార్యక్రమంలో ఉపసభాపతి పద్మారావుగౌడ్​ హాజరై.. జలమండలి సిబ్బంది సేవలను కొనియాడారు.

సికింద్రాబాద్ నియోజకవర్గం పరిధిలోని జలమండలి సిబ్బందికి సినీ నటి అలేఖ్య అధ్వర్యంలో నిత్యావసర సరకులు పంపిణీ చేశారు. సీతాఫల్​మండి మల్టీ పర్పస్ ఫంక్షన్ హాల్​లో జరిగిన ఈ కార్యక్రమానికి ఉపసభాపతి పద్మారావు గౌడ్ హాజరై సరుకులు అందజేశారు.

జంటనగరాల్లో నీటి, మురుగు సమస్యలు తలెత్తకుండా జలమండలి కార్మికులు, పారిశుద్ధ్య కార్మికులు నిరంతరం శ్రమిస్తున్నారని పద్మారావుగౌడ్​ కొనియాడారు. కార్యక్రమంలో సీతాఫల్​మండి కార్పొరేటర్​ సామల హేమ, జలమండలి జీఎం రమణా రెడ్డి, డీజీ ఎం కృష్ణ తదితరులు పాల్గొన్నారు.

ఇవీచూడండి: ధాన్యం సేకరణలో అగ్రస్థానంలో తెలంగాణ: కేటీఆర్