టిక్టాక్లో ముంబయికి చెందిన టిక్టాక్ స్టార్ ఫైసల్ సిద్ధిఖీ పోస్ట్ చేసిన ఓ వీడియోపై దేశవ్యాప్తంగా సోషల్మీడియాలో తీవ్ర నిరసనలు వ్యక్తమయ్యాయి. మహిళలపై ఆమ్లదాడులను ప్రోత్సాహించేలా ఈ వీడియో ఉందని పెద్ద ఎత్తున అభ్యంతరాలు వచ్చాయి. ఫలితంగా ఆయన ఖాతాను ఆ సంస్థ స్తంభింపజేసింది. హైదరాబాద్లోనూ టిక్టాక్ వీడియోలపై ఫిర్యాదులు రావడంతో ఆ సంస్థపై కేసు నమోదు చేశామని, దర్యాప్తు కొనసాగిస్తున్నామని సైబర్ క్రైమ్ ఏసీపీ కేవీఎం ప్రసాద్ తెలిపారు. యాసిడ్ దాడిని ప్రోత్సహించేలా వీడియో ఉందంటూ జాతీయ మహిళా కమిషన్ ఛైర్పర్సన్ రేఖాశర్మ మహారాష్ట్ర డీజీపీకి లేఖ రాశారు. బాధ్యులపై కఠిన చర్యలు తీసుకోవాలని కోరారు.
టిక్టాక్పై మరిన్ని వివాదాలు...
- ఇటీవల తన సోదరి పాడిన పాటను పేరడీ చేసి అసభ్యంగా మార్చి టిక్టాక్లో వీడియో అప్లోడ్ చేశారంటూ ఓ యువకుడు హైదరాబాద్ సైబర్ క్రైమ్ పోలీసులకు ఫిర్యాదు చేశాడు.
- కరీంనగర్కు చెందిన ఒక వివాహిత పెడుతున్న వీడియోలపై ఆమె భర్త తీవ్ర అభ్యంతరం తెలిపాడు. కుటుంబ పెద్దలు హైదరాబాద్ వచ్చి సైబర్ క్రైమ్ పోలీసులకు విషయాన్ని వివరించి ఆమె టిక్టాక్ ఖాతాను తొలగింపజేశారు.
- రాయలసీమ యాసను కించపరిచేలా టిక్టాక్లో వీడియోలు రూపొందిస్తున్నారంటూ హైదరాబాద్కు చెందిన ఓ బృందంపై కడప మహిళలు పోలీసులకు ఫిర్యాదు చేశారు.
ఇవీ చూడండి: తీరం దాటిన అంపన్-బంగాల్లో ఇద్దరు మృతి
