కూలిన పాఠశాల ప్రహారీ...తప్పిన పెనుప్రమాదం

హైదరాబాద్ బంజారాహిల్స్​లో పెనుప్రమాదం తప్పింది. యాజమాన్యం నిర్లక్ష్యం వల్ల ఓ ప్రైవేట్ పాఠశాలకు చెందిన గోడ కూలిపోయింది. ఈ ఘటనతో అక్కడ స్థానికులు భయందోళనకు గురయ్యారు. సమాచారం అందుకున్న పోలీసులు ఘటనాస్థలికి చేరుకున్నారు.

హైదరాబాద్​ బంజారాహిల్స్​లోని ఎంబీటీ నగర్​లో పెద్దప్రమాదం తప్పింది. యాజమాన్యం నిర్లక్ష్యంతో ఓ ప్రైవేట్ పాఠశాలకు చెందిన ప్రహరీ కూలిపోయింది. ఆ సమయంలో అక్కడ ఎవరూ లేకపోవడంతో స్థానికులు ఊపిరి పీల్చుకున్నారు.

గత కొన్ని రోజులుగా గోడకు భారీ పగుళ్లు వచ్చినా పాఠశాల యాజమాన్యం నిర్లక్ష్యం చేసిందని స్థానికులు ఆరోపిస్తున్నారు. గోడ కూలి రోడ్డుపై పడడంతో ఆ మార్గంలో వాహనదారుల రాకపోకలకు అంతరాయం ఏర్పడింది. సమాచారం అందుకున్న బంజారాహిల్స్‌ పోలీసులు అక్కడకు చేరుకుని పరిస్థతిని చక్కదిద్దారు. నిర్లక్ష్యం వహించిన పాఠశాల యాజమాన్యంపై చర్యలు తీసుకోవాలని స్థానికులు డిమాండ్ చేస్తున్నారు.

ఇదీ చూడండి:ఆర్టీసీ బస్సు కదలదు... రైలు బండిలో ఖాళీ లేదు...