ఆర్నెళ్ల బాబును కొనుగోలు చేసిన వ్యక్తి అరెస్టు

నిజామాబాద్​లో యాచకుల నుంచి రూ.4 వేలకు బాబును కొనుగోలు చేసి హైదరాబాద్​కు వస్తున్న ఓ వ్యక్తిని బోయినపల్లి పోలీసులు అరెస్టు చేశారు. తనకు ఇద్దరూ ఆడపిల్లలే ఉన్నారని అందుకే వారి నుంచి బాబును తీసుకున్నట్లు నిందితుడు తెలిపాడు. బాబును పోలీసులు స్టేట్​హోంకు తరలించి... తల్లిదండ్రుల కోసం వాకబు చేస్తున్నారు.

హైదరాబాద్​ బోయినపల్లి బస్టాండులో ఓ ఆర్నెళ్ల బాబుతో అనుమానాస్పదంగా సంచరిస్తున్న ప్రసాద్​ అనే వ్యక్తిని పెట్రోలింగ్​ పోలీసులు అదుపులోకి తీసుకున్నారు. విచారించగా నిజామాబాద్​లో ఓ యాచక ముఠా నుంచి రూ.4 వేలకు కొనుగోలు చేసినట్లు ఒప్పుకున్నాడు. నిందితుణ్ని అదుపులోకి తీసుకున్న పోలీసులు రిమాండుకు తరలించారు. బాబును స్టేట్​హోంలో చేర్పించి... తల్లిదండ్రుల కోసం వాకబు చేస్తున్నారు.

ఇదీ చూడండి : పదేళ్ల బాలికపై అటెండర్ అత్యాచారయత్నం