ఆడుకోవడానికి ట్యాబ్ ఇవ్వలేదని మనస్తాపానికి గురైన సత్య ప్రసాద్ (12) అనే బాలుడు బిల్డింగ్ పై నుంచి దూకి చనిపోయాడు. నగరంలోని మియాపూర్ లో ఈ ఘటన జరిగింది. మియాపూర్ పీఎస్ పరిధిలోని ఓ అపార్ట్మెంట్ పెంట్హౌస్లో ఉంటున్న శ్రీనివాస్కు ఇద్దరు కుమారులు. చిన్నకుమారుడు బాల వెంకట సత్య ప్రసాద్ ట్యాబ్ తో ఆడుకుంటుండగా పెద్దబ్బాయి నందకిషోర్ ట్యాబ్ కావాలని అడిగాడు. తండ్రి పెద్ద కుమారునికి ట్యాబ్ను ఇచ్చాడు.
దీంతో మనస్తాపానికి గురైన సత్య ప్రసాద్ ఆ భవనం మీద నుంచి కిందకు దూకి మరణించాడు. అప్పటిదాకా కళ్లముందే ఆడుకుంటున్న బాలుడు ఒక్కసారిగా ఇటువంటి అఘాయిత్యానికి పాల్పడటం వల్ల తల్లిదండ్రులు తీవ్రంగా రోదిస్తున్నారు. మృతుడు సత్య ప్రసాద్ కొండాపూర్లోని ఓ పాఠశాలలో 6వ తరగతి చదువుతున్నాడు.
'ట్యాబ్ కోసం అన్నదమ్ముల గొడవ... ఒకరు మృతి'
ఇదీ చూడండి : బాలికలతో వెట్టిచాకిరి చేయిస్తోన్న టీవీ యాంకర్
