తెలంగాణలో కొత్తగా 647 కరోనా కేసులు నమోదైనట్లు వైద్యారోగ్య శాఖ ప్రకటించింది. దీంతో ఇప్పటివరకు కొవిడ్ బారిన పడిన వారి సంఖ్య 6,40,659కి చేరింది. గడిచిన 24 గంటల్లో 1,20,213 మందికి నిర్ధరణ పరీక్షలు నిర్వహించగా... 647 మందికి పాజిటివ్గా తేలింది. ప్రస్తుతం రాష్ట్రంలో 9,625 కొవిడ్ యాక్టివ్ కేసులు ఉన్నాయి.
వైరస్ బారిన పడి తాజాగా మరో ఇద్దరు మృతి చెందారు. దీంతో రాష్ట్రంలో కరోనా బారిన పడి మృతి చెందిన వారి సంఖ్య 3,780కి చేరింది. తాజాగా 749 మంది బాధితులు కొవిడ్ను జయించారు. ఇప్పటివరకు 6,27,254 మంది వైరస్ నుంచి కోలుకున్నారు.
ఇదీ చూడండి: నవ దంపతుల ఆత్మహత్య.. కరోనా భయమే కారణమా?
