రాష్ట్రంలో కొత్తగా 623 కరోనా కేసులు (Corona Cases) నమోదయ్యాయి. కొవిడ్ బారిన పడి మరో ముగ్గురు ప్రాణాలు కోల్పోయారు. కరోనా మహమ్మారి నుంచి మరో 594 మంది బాధితులు కోలుకున్నారు. తెలంగాణలో ప్రస్తుతం 8,803 కరోనా యాక్టివ్ కేసులు ఉన్నాయి.
రాష్ట్రంలో ఇవాళ 1,12,796 మందికి కరోనా పరీక్షలు నిర్వహించారు. ఇప్పటివరకు 6,47,229 మందికి వైరస్ సోకింది. వైరస్ బారిన పడి ఇప్పటివరకు 3,814 మంది మృతిచెందారు.
రాష్ట్రంలో కేసుల సంఖ్య ఇలా ఉండగా... భారత్లో మాత్రం కరోనా కేసులు భారీగా పెరిగాయి. తాజాగా 42,625 మందికి కొవిడ్ పాజిటివ్గా తేలింది. మరణాల సంఖ్య కూడా స్వల్పంగా పెరిగింది. మరో 562 కొవిడ్ బలయ్యారు. కొత్తగా 36,668 మంది వైరస్ నుంచి కోలుకోగా.. రికవరీ రేటు 97.37 శాతానికి చేరింది.
ఇదీ చూడండి: ప్రపంచవ్యాప్తంగా 20 కోట్లు దాటిన కొవిడ్ కేసులు
