హైదరాబాద్ లో రహదారిపై వెళ్తున్న వారిని లక్ష్యంగా చేసుకొని దొంగతనాలకు పాల్పడుతున్న ముగ్గురు యువకులను కార్ఖానా పోలీసులు అదుపులోకి తీసుకున్నారు. నిందితుల నుంచి 2 చరవాణులు, ఒక ద్విచక్ర వాహనాన్ని స్వాధీనం చేసుకున్నారు. నిందితులు మచ్చ బొల్లారానికి చెందిన తరుణ్, లోకేశ్, అలీగా గుర్తించారు. వీరిలో ఇద్దరు ప్రైవేటు ఉద్యోగం చేస్తుండగా... ఒకరు విద్యార్థిగా తెలిపారు.
విధులు ముగించుకుని హాస్టల్ కు ద్విచక్రవాహనంపై వెళుతున్న ఓ వ్యక్తి దగ్గర నుంచి చరవాణి లాక్కున్నారు. దిల్లీ పబ్లిక్ స్కూల్ వద్ద ఈ ఘటన జరగ్గా…. నిందితులు బోయిన్ పల్లి మార్కెట్ వైపు పారిపోయారు. మార్గ మధ్యలో పోలీసులు వాహన తనిఖీ నిర్వహించారు. ఈ 5అనికిల్లో భాగంగా ద్విచక్ర వాహనంపై ముగ్గురు నిందితులు వెళ్తుండగా పట్టుకున్నారు. ముగ్గుర్ని విచారించగా… అసలు విషయం బయటపడింది. పోలీసులు కేసు నమోదు చేసి నిందితులను రిమాండ్ కు తరలించారు .
