టీవీలో సత్తా చాటాలి... యాంకర్గా నిలదొక్కుకోవాలని భావించింది ఓ పదిహేడేళ్ల యువతి. ఎలాంటి బ్యాక్గ్రౌండ్ లేకుండా ఈ రంగంలో రాణించటం అంత సులభం కాదని త్వరగానే అర్థం చేసుకుంది. అయినా లక్ష్యం వీడలేదు. ఆన్స్క్రీన్ అంటే టీవీయే కాదు... ఫేస్బుక్ ద్వారా తన టాలెంట్ను ప్రదర్శించింది. మొదటి లైవ్కే 70వేల మంది వ్యూయర్లు. ఇప్పుడు ఫేస్బుక్లో తనో హీరోయిన్. 4 లక్షల మంది అభిమానులు(ఫాలోవర్లు). తనే నగరానికి చెందిన దివ్యాణ్వేషిత. ఈ ప్రస్థానంలో ఎదురైన ఎన్నో ఇబ్బందులను సవాళ్లుగా స్వీకరించి.. విజయం దిశగా అడుగులు వేసింది. దిల్‌సుఖ్‌నగర్‌ మధురాపురీ కాలనీకి చెందిన కొమ్మరాజు దివ్య అన్వేషిత మ్యూజిక్‌లో డిప్లొమా పూర్తి చేసింది. చిన్నప్పటి నుంచి ఏదో ఒక రంగంలో రాణించి, అందరి మన్ననలు అందుకోవాలనే తపనతో సంగీతం నేర్చుకుంటూ, పాటలు పాడేది. ఫేస్బుక్లో లైవ్ ఆప్షన్‌ వచ్చాక, ఆమె దానిపై దృష్టి కేంద్రీకరించింది. ప్రతిరోజు సాయంత్రం ఫేస్బుక్లో లైవ్‌లోకి వస్తూ అభిమానులకు పలకరిస్తూ.. వారితో మమేకం అవుతోంది. లైవ్‌లోనే కాల్స్‌ మాట్లాడుతూ... సలహాలు, సూచనలు ఇస్తుంది. ప్రవృత్తినే వృత్తిగా మార్చుకున్న దివ్యాన్వేషిత ఈటీవీ భారత్ ప్రతినిధి రమ్యతో తన అంతరంగాన్ని పంచుకుంది...
ఇవీ చూడండి:
'7జీ బృందావన్ కాలనీ' ట్రైలర్ విడుదల
