పార్లమెంట్ ఎన్నికలకు టికెట్ల కేటాయింపు పూర్తి చేసి ముందుకు వెళ్తేనే ఆశించిన ఫలితాలు దక్కే అవకాశం ఉందని నేతలు రాహుల్కు తెలిపారు. పీసీసీ కార్యవర్గాన్ని అధ్యక్షునితో సహా సమూలంగా మార్పులు చేయాలని పలువురు ఎమ్మెల్యేలు, నేతలు రాహుల్ని కోరినట్లు తెలుస్తోంది. సార్వత్రిక ఎన్నికలపై నేతలకు రాహుల్ గాంధీ దిశానిర్దేశం చేశారని కుంతియా తెలిపారు.
శాసన సభ ఎన్నికల్లో ఓటమికి కుంగిపోకుండా లోక్ సభ ఎన్నికల్లో విజయం సాధించేలా పనిచేయాలని రాహుల్ గాంధీ సూచించినట్లు ఉత్తమ్ కుమార్ రెడ్డి తెలిపారు. పొత్తులపై త్వరలోనే క్లారిటీ ఇస్తామని.. రాష్ట్రంలో పీసీసీ నేతలంతా కలిసి పనిచేయాలని చెప్పారని పేర్కొన్నారు.
పార్టీ నేతలను సార్వత్రిక ఎన్నికలకు సిద్ధం చేస్తున్న కాంగ్రెస్ అధ్యక్షుడు రాహుల్ గాంధీ రెండు మూడు రోజల్లో మరోసారి పీసీసీ అధ్యక్షులు, కార్యదర్శులు, సీఎల్పీలతో సమావేశం కానున్నారు. 2019 ఎన్నికల్లో విజయం సాధించే దిశగా పార్టీ శ్రేణులను సన్నద్ధం చేయనున్నారు.
