భద్రాద్రి కొత్తగూడెం జిల్లా ఇల్లందు మండలంలోని ఒడ్డుగూడెం, చల్ల సముద్రం, రేపల్లెవాడ పంచాయతీలోని పలు గ్రామాల్లో ఎమ్మెల్యే హరిప్రియ పర్యటించారు. కొవిడ్ బాధితుల ఇళ్ల వద్దకు వెళ్లి ధైర్యం చెప్పారు. వారికి కూరగాయలు పంపిణీ చేశారు.
వైద్య సిబ్బందిని కలిసి కరోనా బాధితుల ఆరోగ్యంపై ఆరా తీశారు. ఆక్సీమీటర్ సాయంతో బాధితుల ఆక్సిజన్ స్థాయిని స్వయంగా పరిశీలించారు. కరోనా బాధితులు హోం ఐసోలేషన్లో ఎలాంటి ఇబ్బందులు ఉన్నా.. వెంటనే సర్కార్ ఏర్పాటు చేసిన ఐసోలేషన్ కేంద్రాలకు రావాలని సూచించారు. మనోధైర్యంతో మహమ్మారిని ఎదుర్కోవాలని ధైర్యం చెప్పారు.
