దిల్లీలో రైతుల దీక్షలకు మద్దతుగా భద్రాచలంలో మహిళలు నిరాహార దీక్ష చేస్తున్నారు. భద్రాద్రి కొత్తగూడెం జిల్లా భద్రాచలంలోని అంబేడ్కర్ సెంటర్లో ఐద్వా మహిళలు రెండు రోజుల పాటు దీక్షలు చేపట్టారు. ఎముకలు కొరికే చలిలో అన్నదాతలు చేస్తున్న దీక్షలకు మద్దతుగా ఈ దీక్ష చేపట్టినట్లు ఐద్వా జిల్లా అధ్యక్షురాలు రేణుక తెలిపారు. రైతు వ్యతిరేక చట్టాలను వెంటనే కేంద్ర ప్రభుత్వం వెనక్కు తీసుకుని... రైతుల దీక్షను విరమింపజేయాలని ఆమె డిమాండ్ చేశారు.
మహిళలు చేస్తున్న దీక్షలకు భద్రాద్రి కొత్తగూడెం జిల్లా జిల్లా సీపీఎం అధ్యక్షులు తేజ రమేశ్, భద్రాచలం సీపీఎం నాయకులు, కార్యకర్తలు మద్దతు తెలిపారు.
ఇదీ చదవండి: మణికట్టు నరం కోసి... కోస్గిలో వ్యక్తి దారుణ హత్య!
