సైకిల్​ను తప్పించబోయి బైకులు ఢీ

సైకిల్​ను తప్పించబోయి రెండు ద్విచక్రవాహనాలు ఢీకొన్న ఘటనలో ఇద్దరు తీవ్రంగా గాయపడ్డారు. ఒకరి పరిస్థితి విషమంగా ఉందని వైద్యులు వెల్లడించారు. ఈ ప్రమాదం భద్రాద్రి కొత్తగూడెం జిల్లా కొమరారంలో జరిగింది.

భద్రాద్రి కొత్తగూడెం జిల్లా ఇల్లందు మండలంలోని కొమరారంలో సైకిల్​ను తప్పించబోయి 2 ద్విచక్రవాహనాలు ఢీ కొన్నాయి. ఈ ప్రమాదంలో శెట్టిపల్లి గ్రామానికి చెందిన తిరుప రమేశ్​, రమ గాయపడ్డారు. క్షతగాత్రులను స్థానిక వైద్యశాలకు తరలించారు.

అనంతరం ఇల్లందు ప్రభుత్వ వైద్యశాలకు తీసుకెళ్లారు. మహిళ తలకు తీవ్రమైన గాయం కాగా... పరిస్థితి విషమంగా ఉందని వైద్యులు తెలిపారు. మెరుగైన వైద్యం కోసం మహిళను ఖమ్మం తరలించారు.

ఇదీ చూడండి:భోపాల్​ నుంచి విశాఖ వరకు.. చీకటి నింపిన గ్యాస్​ లీక్​లెన్నో...