భద్రాద్రి కొత్తగూడెం జిల్లా భద్రాచలంలోని రామాలయం సందడిగా మారింది. వచ్చే నెల రెండో తేదీన జరుగనున్న లక్ష్మణ సమేత శ్రీ సీతారమచంద్ర స్వామి కల్యాణ మహోత్సవానికి సర్వం సిద్ధం చేస్తున్నారు. రామయ్య కల్యాణంలో ఎంతో పవిత్రమైన ఘట్టం తలంబ్రాలు పోయడం.. ఈ తలంబ్రాలను తయారు చేయడం కోసం ఆలయ పాలక వర్గాలు ముమ్మర ఏర్పాట్లను చేస్తున్నారు.
ఈ నెల 9వ తేదీన తలంబ్రాలను కలపడానికి చిత్రకూట మంటపాన్ని అందంగా ముస్తాబు చేస్తున్నారు. మంత్రోచ్ఛరణల నడుమ వైధిక పద్ధతిలో అతి పవిత్రంగా ఈ తలంబ్రాలను కలుపనున్నారు. 150 క్వింటాళ్ల ఎంపిక చేసిన నాణ్యమైన బియ్యాన్ని, నాలుగు కిలోల పసుపు, అంతే పరిమాణంలో కుంకుమను, మంచి ముత్యాలు, సుగంధ ద్రవ్యాలను ఉపయోగించి ఈ తంబ్రాలను కలుపనున్నారు. ఈ కార్యక్రమం అంతా కన్నులపండువగా జరుగనుంది. ఈ కార్యక్రమ మొత్తానికి ఈనెల 8వ తేదీన అంకురార్పణ పూజలు చేస్తారు.
ఇవీ చూడండి: 20 వరకు బడ్జెట్ సమావేశాలు.. 8న పద్దు
