భద్రాచలంలోని అంబేడ్కర్ సెంటర్లో సీఐ వినోద్ రెడ్డి, ఎసై మహేష్ తనిఖీలు నిర్వహిస్తుండగా భారీ మొత్తంలో గంజాయిని పట్టుకున్నారు. ఒక కారు, వ్యాన్లలో 637 కిలోల గంజాయిని... తరలిస్తున్నట్లు పోలీసులు గుర్తించారు. దీని విలువ సుమారు రూ.95.60 లక్షలు ఉంటుందని భద్రాచలం ఏఎస్పీ రాజేష్ చంద్ర తెలిపారు.
గంజాయి రవాణా చేస్తున్న నలుగురు వ్యక్తులను అరెస్టు చేశామని... వారిలో ఇద్దరు రాజస్థాన్కు, మరో ఇద్దరు హర్యానాకు చెందిన వారిగా గుర్తించామని వెల్లడించారు. వారి నుంచి కారు, వ్యాన్, గంజాయిని స్వాధీనం చేసుకుని... కోర్టులో హాజరుపరిచామని ఏఎస్పీ తెలిపారు.
