ఇల్లందులో ఏకతాదివస్​ సంబురాల్లో భాగంగా పోలీసుల ర్యాలీ

సర్దార్​ వల్లభభాయ్​ పటేల్ జయంతి సందర్భంగా భద్రాద్రి కొత్తగూడెం జిల్లాలో ఏకతాదివస్​ వేడుకలు ఘనంగా నిర్వహించారు. దేశం మొత్తాన్ని ఒకే తాటిపైకి తీసుకువచ్చేందుకు పటేల్​ ఎంతో కృషి చేశారని ఇల్లందు సీఐ కొనియాడారు.

భద్రాద్రి కొత్తగూడెం జిల్లా ఇల్లందులో పోలీస్​ శాఖ ఆధ్వర్యంలో సర్దార్​ వల్లభభాయ్​ పటేల్​ జయంతిని పురస్కరించుకుని ఏకతా దివస్​ కార్యక్రమాన్ని ఘనంగా జరిపారు. స్వాతంత్య్రం వచ్చాక ముక్కలు ముక్కలుగా ఉన్న దేశాన్ని ఒకే తాటిపైకి తీసుకురావడానికి సర్దార్​ వల్లభభాయ్​ పటేల్​ ఎంతో కృషి చేశారని సీఐ రమేష్​ కొనియాడారు.

వల్లభభాయ్​ పటేల్​ పుట్టినరోజును ఏకతా దివస్​గా జరుపుకోవడం సంతోషకరమని సీఐ అన్నారు. దేశ సేవ కోసం ఎంతో కృషి చేసినందువల్లే పటేల్​కు ఉక్కుమనిషి బిరుదు వరించిందని కొనియాడారు. కార్యక్రమంలో ఎస్సైలు కుమారస్వామి, శ్రీనివాస్, పోలీస్​ సిబ్బంది, ఆటో డ్రైవర్లు పాల్గొన్నారు.

ఇదీ చదవండిః పెద్దపల్లిలో వాల్మీకి జయంతి, ఏకతా దివస్​ వేడుకలు