ముస్లిం సోదరులకు కానుకలు పంపిణీ చేసిన ఎమ్మెల్యే

రంజాన్​ను పురస్కరించుకుని.. భద్రాద్రి కొత్తగూడెం జిల్లా ఇల్లందులో ఎమ్మెల్యే హరిప్రియ ముస్లిం సోదరులకు దుస్తులు పంపిణీ చేశారు. కొవిడ్ నిబంధనలు పాటిస్తూ పండుగను జరుపుకోవాలని వారికి సూచించారు.

కొవిడ్ బాధలు తొలిగిపోయేలా ప్రార్థన చేయాలంటూ ఎమ్మెల్యే హరిప్రియ.. ముస్లిం సోదరులను కోరారు. ప్రభుత్వ నియమాలను పాటిస్తూ రంజాన్​ వేడుకలను జరుపుకోవాలని వారికి విజ్ఞప్తి చేశారు. ఇల్లందు క్యాంపు కార్యాలయంలో ప్రభుత్వం తరఫున పేదలకు దుస్తులు పంపిణీ చేశారు.

కరోనా కారణంగా.. ఈ ఏడాది ఇఫ్తార్ విందు జరుపుకోలేకపోవడం బాధాకరమని ఎమ్మెల్యే అన్నారు. ప్రపంచాన్ని పట్టి పీడిస్తోన్న మహమ్మారి పట్ల అందరూ అప్రమత్తంగా ఉండాలని సూచించారు. ఈ కార్యక్రమంలో పార్టీ నాయకులు, తదితరులు పాల్గొన్నారు.

ఇదీ చదవండి: రాష్ట్రంలో రాత్రి కర్ఫ్యూ పొడిగింపు