భద్రాద్రి కొత్తగూడెం జిల్లా కేంద్రంలోని డీఆర్డీవో కార్యాలయంలో ఎరువుల విక్రయాల నిబంధనలపై రూపొందించిన గోడ పత్రికను జిల్లా అదనపు కలెక్టర్ దురిశెట్టి అనుదీప్ ఆవిష్కరించారు. రైతులకు ఎరువులు విక్రయించే వ్యాపారులు ప్రభుత్వం రూపొందించిన నిబంధనలు విధిగా పాటించాలని సూచించారు. ఎరువులు అమ్మే సమయంలో రైతులను ఎలాంటి ప్రలోభాలకు, మోసానికి గురి చేయవద్దని హెచ్చరించారు. భౌతిక దూరం పాటిస్తూ.. మాస్కులు ధరించి అమ్మకాలు, కొనుగోళ్లు చేయాలని కలెక్టర్ సూచించారు. ఈ కార్యక్రమంలో జిల్లా ఉద్యానవన అధికారి అభిమన్యుడు, ఉద్యానశాఖ అధికారి మరియన్న, ఏవోలు, విస్తరణాధికారులు పాల్గొన్నారు.
ఇవీ చూడండి: దిల్లీలో ఐటీ మంత్రి కేటీఆర్.. కేంద్ర మంత్రి హర్దీప్సింగ్ పూరీతో భేటీ
