రాజ్యసభ సభ్యులు జోగినిపల్లి సంతోష్ కుమార్ విసిరిన గ్రీన్ఛాలెంజ్ను ప్రభుత్వ విప్, పినపాక ఎమ్మెల్యే రేగా కాంతారావు స్వీకరించారు. ఇందులో భాగంగా భద్రాద్రి కొత్తగూడెం జిల్లా మణుగూరులోని జిల్లా పరిషత్ ఉన్నత పాఠశాల ఆవరణలో 3 మొక్కలను నాటారు. అనంతరం మంత్రి పువ్వాడ అజయ్కుమార్, ఎంపీ నామ నాగేశ్వరరావు, భద్రాద్రి కొత్తగూడెం ఎమ్మెల్యే వనమా వెంకటేశ్వరరావులకు గ్రీన్ఛాలెంజ్ విసిరారు.
హరితహారం కార్యక్రమం ద్వారా రాష్ట్రంలో వన సంపద పెరిగిందని కాంతారావు పేర్కొన్నారు. హరితహారంతో తెలంగాణ రాష్ట్రం ప్రపంచ దేశాలకు ఓ ఛాలెంజ్ విసిరిందన్నారు. పినపాక నియోజకవర్గంలో గ్రీన్ ఛాలెంజ్ కార్యక్రమాన్ని నిరంతరంగా కొనసాగిస్తామని ఆయన తెలిపారు. కార్యక్రమంలో పలువురు స్థానిక ప్రజా ప్రతినిధులు, తెరాస నాయకులు పాల్గొన్నారు.
ఇవీచూడండి: కేసీఆర్ అధ్యక్షతన ఈనెల 4న తెరాస విస్తృత స్థాయి సమావేశం
