భద్రాద్రి ఆలయంలో ఉచిత మజ్జిగ పంపిణీ

భద్రాద్రి రామయ్యను దర్శించుకునేందుకు వివిధ ప్రాంతాల నుంచి వచ్చే భక్తుల సౌకర్యార్థం ఆలయ నిర్వాహకులు ఉచిత మజ్జిగ పంపిణీ చేస్తున్నారు. ఆలయ ఈవో నరసింహులు కార్యక్రమాన్ని ప్రారంభించారు.

భద్రాద్రి కొత్తగూడెం జిల్లా భద్రాచలంలోని శ్రీ సీతారామచంద్ర స్వామి వారి దర్శనానికి వచ్చే భక్తుల దాహార్తిని తీర్చేందుకు ఆలయ అధికారులు ఉచిత మజ్జిగ పంపిణీ కార్యక్రమాన్ని ఏర్పాటు చేశారు. ఆలయ ఆవరణలో ఏర్పాటు చేసిన ఈ కార్యక్రమాన్ని ఆలయ ఈవో నరసింహులు ప్రారంభించారు.

నేటి నుంచి మే నెల వరకు భక్తులకు మజ్జిగను అందించనున్నట్లు నిర్వాహకులు తెలిపారు. ప్రతిరోజు 4 వందల లీటర్ల నుంచి 5 వందల లీటర్ల వరకు మజ్జిగను భక్తులకు అందించనున్నట్లు తెలిపారు. భక్తులు ఈ అవకాశాన్ని సద్వినియోగం చేసుకోవాలని సూచించారు.

ఇదీ చూడండి: డెత్​ వారెంట్​పై స్టే కోరుతూ 'నిర్భయ' దోషుల పిటిషన్