సీఎల్పీ ఆధ్వర్యంలో ఆస్పత్రుల సందర్శన

రాష్ట్రంలోని ప్రభుత్వ ఆస్పత్రులను సందర్శించాలని సీఎల్పీ నిర్ణయించింది. ఇవాళ్టి నుంచి వచ్చే నెల అయిదో తేదీ వరకు సీఎల్పీ నేత భట్టి విక్రమార్క నేతృత్వంలో సందర్శించనున్నారు. ఆస్పత్రుల వారిగా క్షేత్ర స్థాయిలో సమస్యలను తెలుసుకునేందుకు ఈ సందర్శన కార్యక్రమాన్ని చేపట్టినట్లు భట్టి వివరించారు. సందర్శన అనంతరం ప్రభుత్వ పరంగా చేపట్టాల్సిన చర్యలతో కూడిన నివేదికను రాష్ట్ర ప్రభుత్వానికి అందజేస్తామని తెలిపారు.

బుధవారం నుంచి వచ్చే నెల అయిదో తేదీ వరకు రాష్ట్రంలోని ప్రభుత్వ ఆస్పత్రులను సందర్శించాలని సీఎల్పీ నిర్ణయించింది. సీఎల్పీ నేత భట్టి విక్రమార్క నేతృత్వంలో కాంగ్రెస్‌ బృందం ఈ సందర్శన కార్యక్రమంలో పాల్గొంటుంది. ఇవాళ ఉదయం 10 గంటలకు భద్రాచలం ప్రాంతీయ ఆస్పత్రి నుంచి ప్రారంభం కానున్న ఈ కార్యక్రమం జిల్లాల వారీగా వచ్చే నెల 5వ తేదీ వరకు కొనసాగనుంది.

కరోనా విజృంభిస్తోన్న ఈ తరుణంలో అందుకు తగ్గట్లు అన్ని రకాల నిబంధనలు పాటిస్తూనే... ఈ సందర్శన కార్యక్రమం కొనసాగుతుందని భట్టి విక్రమార్క స్పష్టం చేశారు. ఆస్పత్రుల్లో రోగులకు అందుతున్న వైద్యం, అక్కడ మౌలిక వసతులు, ఇతర సౌకర్యాలను పరిశీలించనున్నట్లు తెలిపారు. ఆస్పత్రుల వారీగా క్షేత్ర స్థాయిలో సమస్యలను తెలుసుకునేందుకు ఈ సందర్శన కార్యక్రమాన్ని చేపట్టినట్లు భట్టి వివరించారు.

వచ్చే నెల అయిదో తేదీన హైదరాబాద్‌ నగరంలో సందర్శనతో కార్యక్రమం పూర్తవుతుందని పేర్కొన్నారు. ఆ తర్వాత ఆస్పత్రుల వారీగా ఉన్న సమస్యలు... ప్రభుత్వ పరంగా చేపట్టాల్సిన చర్యలతో కూడిన నివేదికను రాష్ట్ర ప్రభుత్వానికి అందజేస్తామని తెలిపారు.

ఇవీ చూడండి: సెప్టెంబరు 1 నుంచి ప్రభుత్వ కళాశాలల్లో ఆన్‌లైన్ తరగతులు