చర్ల ఎన్ కౌంటర్పై దర్యాప్తును మూడు నెలల్లో పూర్తి చేయాలని పోలీసులను హైకోర్టు ఆదేశించింది. తెలంగాణ, ఛత్తీస్గడ్ సరిహద్దుల్లోని చర్ల మండలంలోని తొండపల్లి అటవీ ప్రాంతంలో 2018 మార్చి 2న జరిగిన ఎన్ కౌంటర్లో 12 మంది మావోయిస్టులు మరణించారు. బూటకపు ఎన్ కౌంటర్లో మావోయిస్టులను హత్య చేశారని.. పోలీసులపై కేసు నమోదు చేసి దర్యాప్తు జరపాలంటూ 2018లో పౌర హక్కుల సంఘం దాఖలు చేసిన ప్రజా ప్రయోజన వ్యాజ్యంపై జస్టిస్ సతీశ్ చంద్రశర్మ, జస్టిస్ తుకారాంజీ ధర్మాసనం ఇవాళ విచారణ చేపట్టింది.
ఎన్ కౌంటర్పై ఎఫ్ఐఆర్ నమోదు చేయడంతో పాటు.. ఫోరెన్సిక్ నిపుణులతో పోస్టుమార్టం జరిపించి వీడియో చిత్రీకరించారన్న పోలీసుల వివరణను న్యాయస్థానం పరిగణనలోకి తీసుకుంది. ఎఫ్ఐఆర్పై మూడు నెలల్లో దర్యాప్తు పూర్తి చేయాలని పోలీసులను ఆదేశిస్తూ... పిల్పై విచారణ ముగించింది.
ఇదీ చదవండి : 'మృతదేహాలకు మళ్లీ శవపరీక్ష నిర్వహించాలి'
