'ఆ 5 గ్రామాలు తెలంగాణలో కలపాల్సిందే..'
భద్రాద్రి కొత్తగూడెం జిల్లా ఆంధ్రప్రదేశ్-తెలంగాణ సరిహద్దు వద్ద 5 గ్రామాల ప్రజలు ధర్నాకు దిగారు. కన్నాయిగూడెం, పిచుకలపాడు, గుండాల, పురుషోత్తపట్నం, ఏటపాక గ్రామాల ప్రజలు.. భద్రాచలం శివారులో రోడ్డుపై వాహనాలు నిలిపివేసి ఆందోళన చేపట్టారు. ఏపీలో ఉన్న తమ 5 గ్రామ పంచాయతీలను తెలంగాణలో కలపాలంటూ డిమాండ్ చేశారు. ఆందోళనకారులకు కాంగ్రెస్ ఎమ్మెల్యే పొదెం వీరయ్య సంఘీభావం తెలిపారు.
విషయం తెలుసుకున్న ఆంధ్రప్రదేశ్, తెలంగాణ పోలీసులు భారీగా ఘటనా స్థలానికి చేరుకున్నారు. ఆందోళనకారులను చెదరగొట్టే ప్రయత్నం చేశారు. ఈ క్రమంలో స్వల్ప ఉద్రిక్తత చోటుచేసుకుంది. ఎలాంటి అవాంఛనీయ ఘటనలు చోటుచేసుకోకుండా పోలీసులు అక్కడే భారీగా మోహరించారు.
