'పాల వాహనాలతో నిరుద్యోగులకు ఉపాధి'

ఆదిలాబాద్​ జిల్లా కేంద్రంలో పాల ఉత్పత్తులు విక్రయించే వాహనాలు అందుబాటులోకి వచ్చాయి. విజయ డెయిరీ ఆధ్వర్యంలో ఏర్పాటు చేసిన వాహనాలను జిల్లా కలెక్టర్​ సిక్తా పట్నాయక్​తో కలిసి ఛైర్మన్ లోక భూమారెడ్డి ప్రారంభించారు.

విజయ డెయిరీ డెవలప్​మెంట్​ కార్పొరేషన్​ ద్వారా పాల ఉత్పత్తుల వాహనాల సేవలను జిల్లా కలెక్టర్​ సిక్తా పట్నాయక్​తో ఛైర్మన్​ లోక భూమారెడ్డి ప్రారంభించారు. అన్ని జిల్లాల కంటే ముందుగా ఆదిలాబాద్​లో సేవలు అందుబాటులోకి తెచ్చామని ఆయన అన్నారు. తొలి విడతలో పది వాహనాలు అందుబాటులోకి తెచ్చామన్నారు.

నిరుద్యోగులెవరైనా దరఖాస్తు చేసుకుంటే తప్పకుండా అందజేస్తామని తెలిపారు. ప్రభుత్వం రాయితీపై ఇచ్చే వాహనాలను యువకులు సద్వినియోగం చేసుకోవాలని ఆయన సూచించారు. ఈ కార్యక్రమంలో కలెక్టర్​ సిక్తా పట్నాయక్​, పురపాలక అధ్యక్షుడు జోగు ప్రేమిందర్ పాల్గొన్నారు.

ఇదీ చూడండి:విద్యుత్ ఉద్యోగుల విభజనపై సుప్రీం కీలక తీర్పు