ఆదిలాబాద్‌లో శ్రీవారి లడ్డూ విక్రయాలు.. భక్తుల రద్దీ

ఆదిలాబాద్ జిల్లా కేంద్రంలోని తితిదే కల్యాణ మండపం వద్ద తిరుమల శ్రీవారి లడ్డూ కోసం భక్తులు బారులు తీరారు. లడ్డూలు అందరికీ అందిస్తామని బోర్డు స్పష్టం చేసింది.

ఆదిలాబాద్ పట్టణంలో తితిదే కల్యాణ మండపం వద్ద తిరుపతి లడ్డూ కొనుగోలు కోసం భక్తులు బారులు తీరారు. లాక్‌డౌన్‌ నేపథ్యంలో తిరుమలేశుడి దర్శనాలు నిలిచిపోవడం వల్ల తితిదే లడ్డూలను అందుబాటులోకి తెచ్చింది.

మనిషికి రెండు లడ్డూలు..

ఈ నేపథ్యంలో లడ్డూల విక్రయాలు ప్రారంభమయ్యాయి. ఒక్కో వ్యక్తికి రెండేసి లడ్డూలు ఇస్తున్నారు. ఈ సందర్భంగా భక్తులు ఉదయం నుంచి బారులు తీరి వాటిని కొనుగోలు చేశారు. మండపంలోని ఏర్పాట్లను తితిదే ఆలయ కమిటీ సభ్యుడు అనిల్ పర్యవేక్షించారు. లడ్డూలు ప్రతి ఒక్కరికీ అందేలా చూస్తామని స్పష్టం చేశారు.

ఇవీ చూడండి : వర్సిటీలను ప్రైవేటు పరం చేసేందుకు కుట్ర: భట్టి