కరోనా 'మహా'భయం.. సరిహద్దు గ్రామాల్లో కంచెలు

కొవిడ్ మహమ్మారి మనుషులను ఎంతలా దూరం చేస్తుందో ఏడాది నుంచి చూస్తున్నాం. వైరస్​కు బారిన పడకుండా ఉండడానికి అందరినీ దూరం పెడుతున్నాం. ఈ క్రమంలోనే మహారాష్ట్రలో కరోనా కేసులు ఎక్కువగా ఉండడం వల్ల అక్కడివారి రాకపోకలను అడ్డుకోవాలని ఆదిలాబాద్ జిల్లా అంతర్గావ్ గ్రామస్థులు నిర్ణయించారు. గ్రామం చుట్టూ కంచె ఏర్పాటు చేసుకున్నారు.

మహారాష్ట్ర సరిహద్దుల్లోని ఆదిలాబాద్ జిల్లా గ్రామాల్లో కరోనా నియంత్రణకు పటిష్ఠ చర్యలు చేపడుతున్నారు. ఆ రాష్ట్రంలో కొవిడ్ ఉద్ధృతి అధికంగా ఉండడం వల్ల... రాకపోకలకు వీలు లేకుండా భీంపూర్ మండలం అంతర్గావ్ గ్రామస్థులు తమ ఊరి చుట్టూ కంచె ఏర్పాటు చేశారు.

పెన్​గంగ నదిలో నీళ్లు లేకపోవడంతో ఈ దారి నుంచి తరలివస్తున్నారు. అందుకే ఆయా మార్గాలను మూసివేయాలని గ్రామస్థులు నిర్ణయించారు. ఇదంతా కరోనా బారిన పడకుండా ఉండేందుకు మాత్రమేనని గ్రామస్థులు చెబుతున్నారు.

ఇదీ చదవండి: సామాజిక రోగనిరోధక శక్తితో కరోనాకు అడ్డుకట్ట!