ఆదిలాబాద్ జిల్లాలో రోజురోజుకు కరోనా విజృంభిస్తోంది. కరోనా నియంత్రణలో భాగంగా బాధితులకు సాయం సదుద్దేశంతో సీపీఎం అనుబంధ ప్రజాసంఘాలు ముందుకొచ్చాయి. సీఐటీయూ, ఐద్వా, టీఎస్‌యూటీఎఫ్‌, ఎస్‌ఎఫ్‌ఐ, తెలంగాణ గిరిజన సంఘాల ఆధ్వర్యంలో సుందరయ్య భవన్‌లో కొవిడ్ కాల్ సెంటర్ ఏర్పాటు చేశారు.
ఈ కాల్‌సెంటర్ను జిల్లా అదనపు వైద్యాధికారి డా. సాధన, ఐఎంఏ జిల్లా అధ్యక్షుడు డా. మనోహర్‌ ప్రారంభించారు. కాల్ సెంటర్లో ప్రత్యేకంగా ఐదు చరవాణిలను ఏర్పాటు చేసి .. ఆపదలో ఉన్న బాధితులకు సేవలు అందేలా కార్యకర్తలను అందుబాటులో ఉంచారు.
