ఆదిలాబాద్ పట్టణంలోని రోడ్ల దుస్థితిపై కాంగ్రెస్ ఆధ్వర్యంలో ఆందోళన చేపట్టారు. రోడ్డు మీద ఉన్న గుంతలలో వరి నారు నాటి వినూత్న నిరసన తెలిపారు. ఎమ్మెల్యే, మున్సిపల్ ఛైర్మన్కు వ్యతిరేకంగా నినాదాలు చేశారు. పట్టణంలో నడిబొడ్డున ఉన్న నేతాజీ చౌక్లోని పెద్ద గుంతలు ఏర్పడినా.. వాటిని మరమ్మతులు చేపట్టడంలో నిర్లక్ష్యం వహిస్తున్నారని కాంగ్రెస్ జిల్లా మైనారిటీ ఛైర్మన్ సాజిద్ దుయ్యబట్టారు.
నిత్యం అధికారులు, రాజకీయ నాయకులు తిరిగే రహదారి పరిస్థితి ఇలా ఉంటే.. ఇక కాలనీల్లో పరిస్థితి ఏవిధంగా ఉంటుందో అర్థం చేసుకోవచ్చని అన్నారు. ఇప్పటికైనా ప్రభుత్వం స్పందించి పట్టణంలోని రోడ్లను బాగు చేయాలని కోరారు. ఈ కార్యక్రమంలో కలీం, మోసిన్, మడావి రాజు, నాగేష్, జిలాని, కరీం, రాహుల్, తదితరులు పాల్గొన్నారు.
ఇవీ చూడండి: కరోనాను ఆరోగ్యశ్రీలో చేర్చాలని కలెక్టర్కు వినతిపత్రం!
