'తెలంగాణ విమోచన దినాన్ని అధికారికంగా నిర్వహించాలి'

ఆదిలాబాద్​ జిల్లా ఉట్నూరు మండల తహసీల్దార్​కు భాజపా నాయకులు వినతి పత్రం సమర్పించారు. తెలంగాణ విమోచనాదినోత్సవాన్ని అధికారికంగా నిర్వహించాలని డిమాండ్​ చేశారు.

తెలంగాణ విమోచన దినోత్సవాన్ని ఈ నెల 17న రాష్ట్ర ప్రభుత్వం అధికారికంగా నిర్వహించాలని భాజాపా ఎస్టీ విభాగం జాతీయ నాయకుడు శ్రీరామ్​నాయక్ డిమాండ్ చేశారు. విమోచన దినోత్సవాన్ని అధికారికంగా నిర్వహించాలని కోరుతూ.. ఆదిలాబాద్​ జిల్లా ఉట్నూరు మండల తహసీల్దార్​కు వినతిపత్రం సమర్పించారు.

ప్రత్యేక రాష్ట్రం ఏర్పడిన తర్వాత విమోచన దినోత్సవం నిర్వహిస్తామని ప్రకటించిన సీఎం కేసీఆర్... ఇప్పుడు మాట మారుస్తున్నారని మండిపడ్డారు. ఇప్పటికైనా ఈ నెల 17న జిల్లా వ్యాప్తంగా విమోచన దినోత్సవాన్ని అధికారికంగా నిర్వహించేలా చూడాలని డిమాండ్ చేశారు. ఈ కార్యక్రమంలో జిల్లా, మండల నాయకులు పాల్గొన్నారు.

ఇదీ చదవండి: రాష్ట్ర ఎన్నికల కమిషనర్​ను నియమించిన ప్రభుత్వం