ఒలింపిక్స్లో తొలిరోజు పోటీల్లో భారత్ ఆర్చర్లు అదరగొట్టారు. శనివారం జరిగిన మిక్స్డ్ టీమ్ విభాగంలో దీపికా కుమారి-ప్రవీణ్ జాదవ్.. చైనీస్ తైపీపై 5-3 తేడాతో గెలిచి, క్వార్టర్ ఫైనల్కు అర్హత సాధించారు. క్వార్టర్స్లో రిపబ్లిక్ ఆఫ్ కొరియా తలపడనుంది.
షూటింగ్లో నిరాశ..
షూటింగ్లో మాత్రం భారత్ నిరాశపరిచింది. ప్రపంచ నం.1 మహిళా షూటర్ ఎలవెనిల్ వలరివన్.. కనీసం మెడల్ రౌండ్కు అర్హత సాధించలేకపోయింది. 10 మీటర్ల ఎయిర్ రైఫిల్ పోటీలో ఈమెతో పాటు అపూర్వీ చండేలా కూడా పోటీపడింది. కానీ వీరిద్దరూ వరుసగా 16, 36 స్థానాల్లో నిలిచి 626.5, 621.9 పాయింట్లు సాధించారు. అయితే తొలి ఎనిమిది స్థానాల్లో ఉన్నవారే మెడల్ రౌండ్కు అర్హత సాధిస్తారు.
చైనా షూటర్ యాంగ్ క్యాన్ గోల్డ్ మెడల్ సాధించింది. ఈ ఒలింపిక్స్లో తొలి బంగారు పతకం ఇదే.
ఇవీ చదవండి:
