వింబుల్డన్కు అంతా సిద్ధమైంది. సోమవారం నుంచి లండన్ వేదికగా ఈ టోర్నీ జరగనుంది. అయితే దీని మెయిన్ డ్రాకు ఎంపికైన టెన్నిస్ ప్లేయర్ జాంగ్ జిజెన్.. అరుదైన ఘనత సాధించాడు. చైనా నుంచి ఈ టోర్నీకి అర్హత సాధించిన తొలి ఆటగాడిగా నిలిచాడు.
క్వాలిఫయర్స్లో మూడు మ్యాచ్ల్లో విజయం సాధించి, మెయిన్ డ్రాకు అర్హత సాధించాడు జాంగ్. 24 ఏళ్ల ఈ కుర్రాడు.. ప్రస్తుతం 178 ర్యాంకులో కొనసాగుతున్నాడు. ఇంతకు ముందు కూడా మూడుసార్లు వింబుల్డన్ కోసం ప్రయత్నించి విఫలమయ్యాడు.
అంతకు ముందు చెనాకు చెందిన మహిళా ప్లేయర్ లినా. ఈమె 2011 ఫ్రెంచ్ ఓపెన్, 2014 ఆస్ట్రేలియా ఓపెన్ విజేతగా నిలిచింది. 2019లో అంతర్జాతీయ టెన్నిస్ హాల్ ఆఫ్ ఫేమ్లో చోటు దక్కించుకుంది.
వింబుల్డన్ నుంచి స్టార్ ప్లేయర్ నిష్క్రమణ
యూఎస్ ఓపెన్ డిఫెండింగ్ ఛాంపియన్ డొమ్నిక్ థీమ్.. వింబుల్డన్ నుంచి తప్పుకున్నాడు. కుడి మోచేతి గాయమే ఇందుకు కారణమని వెల్లడించాడు.
ఇది చదవండి: OLYMPICS: టోక్యో ఒలింపిక్స్తో సానియా రికార్డు!
