ఆస్ట్రేలియన్ ఓపెన్లో సెరెనా విలియమ్స్ మరో అడుగు ముందుకేసింది. క్వార్టర్ ఫైనల్లో ప్రపంచ రెండో సీడ్ సిమోనా హలెప్పై గెలుపొందింది. 6-3, 6-3 తేడాతో రొమేనియా ప్లేయర్పై విజయం సాధించినా సెరెనా.. సెమీస్లోకి దూసుకెళ్లింది. సెరెనా తన తొలి రౌండ్లో ప్రత్యర్థికి ఏ మాత్రం అవకాశం ఇవ్వలేదు. 6-3తో చిత్తు చేసింది. రెండో రౌండ్లో అనుహ్యంగా విజృంభించిన హలెప్.. 3-1 ఆధిక్యం సంపాదించింది. తర్వాత సెరెనా 3-3తో స్కోరు సమం చేసింది.
2017లో ఆస్ట్రేలియన్ ఓపెన్ గెలుపొందిన తర్వాత మళ్లీ సెమీస్లోకి వెళ్లడం ఈ అమెరికన్ టెన్నిస్ ప్లేయర్కు ఇదే మొదటిసారి. 24వ గ్రాండ్స్లామ్ టైటిల్ సాధించాలన్న సెరెనా ఆశలకు తాజా విజయం ఊపిరిలూదింది.
జకోవిచ్..
పురుషుల సింగిల్స్ క్వార్టర్స్లో.. జర్మనీ ప్లేయర్ అలెగ్జాండర్ జ్వెరెవ్పై సెర్బియా టెన్నిస్ స్టార్ ఆటగాడు నొవాక్ జకోవిచ్ గెలుపొందాడు. 6-7, 6-2, 6-4, 7-6 తేడాతో ప్రత్యర్థిని ఓడించి సెమీస్లోకి ప్రవేశించాడు. తొలి రౌండ్లో జ్వెరెవ్ ముందడుగు వేసినా.. తదుపరి మూడు రౌండ్లలో నొవాక్ ఆధిక్యం సాధించాడు.
అంతకుముందు జరిగిన మ్యాచ్లో ప్రపంచ 114వ ర్యాంకర్ అస్లాన్ కరాత్సెవ్ సెమీస్లోకి దూసుకెళ్లాడు. 14వ సీడ్ ఆటగాడు గ్రిగోర్ డిమిత్రోవ్ను 2-6, 6-4, 6-1, 6-2 తేడాతో చిత్తు చేశాడు. గ్రాండ్స్లామ్లో తొలిసారి పాల్గొని సెమీస్కు అర్హత సాధించిన ఆటగాడిగా కరాత్సెవ్ రికార్డు సృష్టించాడు. ఇతడు తన తదుపరి మ్యాచ్లో నొవాక్ జకోవిచ్ను ఢీకొనబోతున్నాడు.
ఇదీ చదవండి: ఈ ఓటమి మాకొక గుణపాఠం: రూట్
