జపాన్ ఓపెన్లో భారత షట్లర్లు మరో అడుగు ముందుకు వేశారు. పీవీ సింధు, సాయి ప్రణీత్ క్వార్టర్స్లోకి ప్రవేశించారు. మరో భారత ప్లేయర్ హెచ్ఎస్ ప్రణయ్ టోర్నీ నుంచి నిష్క్రమించాడు. హోరాహోరీగా సాగిన పురుషుల డబుల్స్లో రెండో రౌండ్లో గెలిచిన సాత్విక్ రెడ్డి- చిరాగ్ శెట్టి జోడి క్వార్టర్ ఫైనల్కు చేరుకుంది.
మహిళల సింగిల్స్ రెండో రౌండ్లో పీవీ సింధు.. జపాన్ షట్లర్ ఒహోరితో తలపడింది. గంట పాటు సాగిన ఈ ఆటను 11-22, 21-10, 21-13 పాయింట్ల తేడాతో గెలిచింది సింధు. పురుషుల సింగిల్స్లో సాయి ప్రణీత్.. కంటా టుస్యామాను 21-13, 21-16 పాయింట్ల తేడాతో ఓడించాడు.
మొదటి రౌండ్లో కిదాంబి శ్రీకాంత్ను ఓడించిన ప్రణయ్.. రెండో రౌండ్లో డెన్మార్క్కు చెందిన రెస్మస్తో తలపడి 9-21, 15-21 పాయింట్ల తేడాతో ఓటమి పాలయ్యాడు.
జియో జిన్-యమగూచి మ్యాచ్ గెలిచిన వారితో పీవీసింధు క్వార్టర్స్లో తలపడనుంది.
ఇది సంగతి: జపాన్ ఓపెన్లో భారత్కు మిశ్రమ ఫలితాలు
