serena williams australian open: ప్రపంచ మాజీ నెం.1 సెరెనా విలియమ్స్.. 2022 ఆస్ట్రేలియన్ ఓపెన్కు దూరం కానుంది. తన వైద్య బృందం సలహా మేరకు బుధవారం ఈ నిర్ణయం తీసుకుంది సెరెనా. దీంతో వచ్చే నెల నుంచి జరగనున్న టోర్నీ కోసం ఎంట్రీ లిస్ట్లో ఆమె పేరును చేర్చలేదు. జనవరి 17 నుంచి ఈ టోర్నమెంట్ ఆరంభం కానుంది.
గాయం కారణంగా ఈ ఏడాది జూన్లో జరిగిన వింబుల్డన్ తొలి రౌండ్లోనే నిష్క్రమించింది సెరెనా. అప్పటి నుంచి కోర్టులో అడుగుపెట్టలేదు. ఇప్పటి వరకు 23 గ్రాండ్స్లామ్ సింగిల్స్ టైటిల్స్ సాధించిన సెరెనా.. తన చివరి గ్రాండ్స్లామ్ను 2017 ఆస్ట్రేలియన్ ఓపెన్లోనే కైవసం చేసుకుంది. 7 సార్లు ఆస్ట్రేలియన్ ఓపెన్ ఛాంపియన్గా నిలిచిన ఆమె.. 2021 టోర్నీలో సెమీస్ నుంచి నిష్ర్కమించింది.
2019లో యూఎస్ ఓపెన్ కైవసం చేసుకున్న బియాంక ఆండ్రెస్క్యూ కూడా ఆస్ట్రేలియన్ ఓపెన్లో పాల్గొనడంలేదని సోమవారం స్పష్టం చేసింది.
ఇదీ చూడండి: ATP Cup 2022: ఏటీపీ కప్లో ఆడనున్న జకోవిచ్
