రోజర్స్కప్ ఫైనల్లో కెనడా యువ క్రీడాకారిణి బియాంకా ఆండ్రెస్కు సత్తా చాటింది. ఆదివారం జరిగిన ఈ మ్యాచ్లో టెన్నిస్ దిగ్గజం సెరెనా విలియమ్స్(అమెరికా)ను ఓడించి రోజర్స్ కప్ టైటిల్ను గెలుచుకుంది.
వెన్నునొప్పితో వెనుదిరిగిన సెరెనా...
మూడు సార్లు ప్రపంచ ఛాంపియన్షిప్ విజేతగా నిలిచిన సెరెనాపై 3-1 తేడాతో విజయం అందుకుందీ 19 ఏళ్ల అమ్మాయి. తొలి సెట్లో 3-1 తేడాతో వెనుకంజలో ఉన్న సెరెనా నడుంనొప్పితో మ్యాచ్ ఆడలేకపోయింది. అనంతరం రిఫరీ.. బియాంకాను విజేతగా ప్రకటించారు. మ్యాచ్ కొనసాగించలేకపోయిందుకు సెరెనా కంటతడి పెట్టుకుంది. బియాంకా.. సెరెనాను కౌగిలించుకుని ఓదార్చింది.
"ఈ నొప్పి నిన్ననే(శనివారం) మొదలైంది. అయినా ఆడాలనుకున్నా.. ఈ రోజుకు నొప్పి తీవ్రమైంది. కనీసం కదలడానికి కూడా ఇబ్బంది పడ్డాను. ఆట కొనసాగించలేనని అనుకున్నా"
-సెరెనా విలియమ్స్, టెన్నిస్ దిగ్గజం
ఈ ఏడాది రెండో టైటిల్ అందుకుంది బియాంకా. మార్చిలో ఇండియన్ వెల్స్లో సత్తాచాటిన కెనడియన్ తొలి డబ్ల్యూటీఏ టైటిల్ను తన ఖాతాలో వేసుకుంది. తర్వాత భుజం గాయంతో కొన్ని రోజులు ఆటకు దూరమై.. రోజర్స్ కప్ కోసం మళ్లీ రాకెట్ పట్టింది.
ఇదీ చూడండి: '300 వన్డేలు.. మా ఊహకు అందనిది'
