స్పెయిన్ స్టార్ రఫెల్ నాదల్ పారిస్ మాస్టర్స్ టోర్నీలో తొలి టైటిల్ దిశగా అడుగులు వేస్తున్నాడు. అతను పెద్దగా కష్టపడకుండానే క్వార్టర్ఫైనల్లోకి ప్రవేశించాడు. శుక్రవారం జరిగిన ప్రిక్వార్టర్స్లో 6-1, 7-6, (7-3)తేడాతో జోర్డాన్ థాంప్సన్ (ఆస్ట్రేలియా)ను ఓడించాడు. తొలి సెట్ను అలవోకగా గెలిచిన నాదల్కు.. రెండో సెట్లో థాంప్సన్ నుంచి ప్రతిఘటన ఎదురైంది. అయితే టైబ్రేకర్లో సెట్ నెగ్గి రఫా.. ముందంజ వేశాడు.
ఈ స్పెయిన్ బుల్ కెరీర్లో 86 ఏటీపీ టైటిళ్లు సాధించగా.. అందులో 35 మాస్టర్స్ ట్రోఫీలు ఉన్నాయి. కానీ, ఇప్పటిదాకా పారిస్ మాస్టర్స్ మాత్రం అతని సొంతం కాలేదు. చివరిగా ఒకే ఒక్కసారి ఈ టోర్నీలో 13 ఏళ్ల క్రితం ఫైనల్కు రాగా.. రన్నరప్ ట్రోఫీతో సరిపెట్టుకున్నాడు.
ఇదీ చూడండి:టెన్నిస్ సింగిల్స్లో నాదల్ 1000 విజయాలు
