​ వెస్టర్న్​ అండ్ సదరన్ టోర్నీ నుంచి తప్పుకున్న ఒసాకా

అమెరికాలో నల్లజాతీయులపై జరుగుతున్న దాడులకు నిరసనగా.. తాను వెస్టర్న్​ అండ్​ సదరన్​ టెన్నిస్​ ఓపెన్​ నుంచి వైదొలుగుతున్నట్లు ప్రకటించింది నవోమి ఒసాకా. అమెరికాలో ఇటీవలే జాకబ్​ బ్లేక్​పై జరిగిన కాల్పుల గురించి విన్నాక తనలో తీవ్ర ఆవేదన నెలకొందని ట్విట్టర్లో వెల్లడించింది.

వెస్టర్న్ అండ్​ సదరన్​ ఓపెన్​ నుంచి వైదొలుగుతున్నట్లు ప్రకటించింది మాజీ ప్రపంచ టెన్నిస్​ నంబర్​వన్​ నవోమి ఒసాకా. జాతివివక్షకు నిరసనగా ఆమె ఈ నిర్ణయాన్ని తీసుకున్నట్లు వెల్లడించింది. అమెరికాలోని ఓ నల్లజాతీయుడైన జాకబ్​ బ్లేక్​పై జరిపిన కాల్పుల గురించి తెలుసుకున్న తర్వాత తాను తీవ్ర ఆవేదనకు లోనయినట్లు ట్వీట్​లో పేర్కొంది.

• pic.twitter.com/miKzgSdGxY

  — NaomiOsaka大坂なおみ (@naomiosaka) August 27, 2020 " class="align-text-top noRightClick twitterSection" data="

  pic.twitter.com/miKzgSdGxY

  — NaomiOsaka大坂なおみ (@naomiosaka) August 27, 2020

  ">

  pic.twitter.com/miKzgSdGxY

  — NaomiOsaka大坂なおみ (@naomiosaka) August 27, 2020

"హలో, మీలో చాలా మందికి నేను తెలుసు. రేపు జరగనున్న వెస్టర్న్ అండ్​ సదరన్​ సెమీఫైనల్స్​లో ఆడాల్సిఉంది. అయితే టెన్నిస్​ ప్లేయర్​ కంటే ముందు నేను నల్లజాతి మహిళను. ప్రస్తుతం నేను టెన్నిస్​ ఆడటం కంటే జాతివివక్ష నిరసనలకు మద్దతుగా నిలవడం అవసరం అనిపిస్తుంది. నేను ఆడకపోతే ఏదో కోల్పోతానని అనుకోవడం లేదు. పోలీసుల చేతిలో నల్లజాతీయులు హతమవ్వడం చూసి కడుపు తరుక్కుపోతుంది. ఈ సమస్యల గురించి ప్రతిరోజూ మాట్లాడి విసిగిపోయా."

-నవోమి ఒసాకా, ప్రపంచ మాజీ టెన్నిస్​ నంబర్​ వన్​

నవోమి ఒసాకా.. ప్రస్తుతం జరుగుతున్న వెస్టర్న్ అండ్​ సదరన్​ ఓపెన్​ సెమీఫైనల్​లో ఎలిస్​ మెర్టెన్స్​తో తలపడాల్సి ఉంది.

ఎన్​బీఏ మ్యాచ్​లూ వాయిదా

అలాగే మిల్వాకీ బక్స్​ జట్టు బాస్కెట్​బాల్​ ప్లేఆఫ్స్​ను బహిష్కరించాలని నిర్ణయించుకున్న తర్వాత.. మూడు మ్యాచ్​లను వాయిదా వేస్తున్నట్లు ప్రకటించింది నేషనల్​ బాస్కెట్​బాల్​ అసోసియేషన్​ (ఎన్​బీఏ). బక్స్​ వర్సెస్​ మ్యాజిక్​, హ్యూస్టన్​ రాకెట్స్​ వర్సెస్​ ఓక్లహోమా సిటీ థండర్​, లాస్​ ఏంజిల్స్​ లేకర్స్​ వర్సెస్​ పోర్ట్​ ల్యాండ్​ టైల్​ బ్లేజర్స్​ మ్యాచ్​లు వాయిదా పడ్డాయి.