ప్రతిష్టాత్మక యూఎస్ ఓపెన్ క్వాలిఫయింగ్ ఈవెంట్లో సత్తా చాటాడు భారత టెన్సిస్ ప్లేయర్ సుమిత్ నగల్. మంగళవారం జరిగిన మ్యాచ్లో టాట్సమ్ ఇటో(జపాన్)పై వరుస సెట్లలో విజయం సాధించాడు. కెరీర్ 190వ ర్యాంక్లో ఉన్న సుమిత్... 7-6, 6-2 తేడాతో వరుస సెట్లలో 133వ ర్యాంక్ ప్రత్యర్థిని ఓడించాడు. వీరిద్దరి మధ్య గంట 52 నిమిషాల పాటు మ్యాచ్ హోరాహోరీగా సాగింది.
గతేడాది ఆస్ట్రేలియా, ఫ్రెంచ్ ఓపెన్ సహా వింబుల్డన్ ఛాంపినయన్షిప్లలో ఆడిన సుమిత్.. ఒక్క రౌండ్లోనూ గెలవలేకపోయాడు. యూఎస్ ఓపెన్ తర్వతి మ్యాచ్లో పీటర్ పొలాన్సీ(కెనడా)తో తలపడనున్నాడీ హరియాణా స్టార్ ప్లేయర్.
మహిళలు సింగిల్స్ క్వాలిఫయింగ్ ఈవెంట్లో రెండో రౌండ్లో అంకిత రైనా(భారత్) , డెనిసా అలెర్టోవా (చెక్ రిపబ్లిక్) మధ్య మ్యాచ్ జరగాల్సి ఉంది.
ఇది చదవండి: ఒలింపిక్ టెస్టు ఈవెంట్ విజేత భారత్
