ఆస్ట్రేలియన్ ఓపెన్లో భాగంగా సోమవారం జరిగిన ప్రీక్వార్టర్స్లో పలువురు స్టార్ ఆటగాళ్లు క్వార్టర్ఫైనల్స్లోకి అడుగుపెట్టారు. వారెవరంటే..
- స్పెయిన్‌ బుల్‌ రఫెల్ నాదల్ ఆస్ట్రేలియన్ ఓపెన్లో దూసుకెళ్తున్నాడు. సోమవారం జరిగిన ప్రీక్వార్టర్స్లో ప్రపంచ 16వ ర్యాంకర్ ఫాబియో ఫొగిని(ఇటలీ)పై విజయం సాధించాడు. వరుస సెట్లలో 6-3,6-4,6-2 తేడాతో ఓడించాడు. ఫలితంగా క్వార్టర్స్ఫైనల్స్లో అడుగుపెట్టాడు. క్వార్టర్ఫైనల్స్లో ఐదో సీడెడ్ ప్లేయర్ స్టెఫానోస్ సిట్సిపాస్తో తలపడనున్నాడు.
- మెద్వేదేవ్(రష్యా)6-4,6-2,6-3 తేడాతో మెక్డొనాల్డ్ను ఓడించి క్వార్టర్ఫైన్లోకి అడుగుపెట్టాడు. ఈ పోరు 90నిమిషాల పాటు సాగింది.
- మహిళల సింగిల్స్లో ఆస్ట్రేలియా ప్లేయర్, ప్రపంచ నం.1 ర్యాంకర్ యాష్ బార్టీ క్వార్టర్కు అర్హత సాధించింది. ప్రీక్వార్టర్స్లో షెల్బీ రోగర్స్(అమెరికా)పై 6-3,6-4 తేడాతో గెలిచింది. క్వార్టర్ఫైనల్లో ప్రపంచ నం.25 కరోలినా ముచోవాతో తలపడనుంది.
- జెస్సికా పెగులా(అమెరికా) ఉక్రెయిన్కు చెందిన ఐదో సీడ్ ఎలీనా స్విటోలినాపై 6-4,3-6,6-3 తేడాతో నెగ్గి ముందుకు సాగింది.
అంతకుముందు ఈ క్వార్టర్స్లోకి పురుషుల సింగిల్స్ నుంచి జకోవిక్, మహిళల సింగిల్స్ నుంచి సెరెనా ప్రవేశించారు.
ఇదీ చూడండి: ఆస్ట్రేలియన్ ఓపెన్ క్వార్టర్స్లో జకోవిచ్, సెరెనా
