వింబుల్డన్ సెమీస్ మ్యాచ్లో చిరకాల ప్రత్యర్ధులు మరోసారి తలపడనున్నారు. పురుషుల సింగిల్స్ విభాగంలో రోజర్ ఫెదరర్, రఫెల్ నాదల్ పోటీపడనున్నారు. బుధవారం జరిగిన క్వార్టర్ ఫైనల్లో ఫెదరర్ జపాన్కు చెందిన నిషికోరిని ఓడించగా.. అమెరికా క్రీడాకారుడు సామ్ క్వారేను మట్టికరిపించాడు నాదల్.
100వ వింబుల్డన్ మ్యాచ్ ఆడిన ఫెదరర్ 4-6, 6-1, 6-4, 6-4 తేడాతో నిషికోరిపై గెలిచాడు. ఈ ప్రాచీన టోర్నీలో 13వ సారి సెమీస్లోకి అడుగుపెట్టాడు స్విస్ దిగ్గజం.
సామ్ క్వారేపై 7-5, 6-2, 6-2 తేడాతో నెగ్గాడు రఫా. ఆరంభం నుంచి ధాటిగా ఆడిన నాదల్ ప్రత్యర్థికి మొత్తం 22 ఏస్లు సంధించి అయోమయంలో పడేశాడు.
మరో సెమీస్లో స్పానిష్ క్రీడాకారుడు బటిస్టా అగట్ను ఢీ కొట్టనున్నాడు జకోవిచ్. క్వార్టర్స్లో బల్గేరియా ఆటగాడు గాఫిన్ను ఓడించి సెమీస్కు దూసుకొచ్చాడు జకో.
జులై 12న లండన్ వేదికగా సెమీస్ మ్యాచ్లు జరగనున్నాయి.
