టెన్నిస్ ఏటీపీ ర్యాంకింగ్స్లో రష్యా స్టార్ ప్లేయర్ డేనియల్ మెద్వెదెవ్ రెండో ర్యాంకుకు చేరుకున్నాడు. ఆ స్థానంలో ఉన్న స్పెయిన్ ఆటగాడు రాఫెల్ నాదల్ మూడో ర్యాంకుకు పడిపోయాడు. సెర్బియా టెన్నిస్ ఆటగాడు నొవాక్ జకోవిచ్ అగ్రస్థానంలో కొనసాగుతున్నాడు.
ఇటలీ రోమ్ ఓపెన్ మాస్టర్స్ 1000 టోర్నీలో మంచి ప్రదర్శన చేస్తే.. నాదల్కు తిరిగి రెండో ర్యాంకును కైవసం చేసుకునే అవకాశం ఉంది. వచ్చే వారం ఏటీపీ 250 టోర్నీలోనూ ఆడనున్నాడు నాదల్.
ఇటీవల ముగిసిన మాడ్రిడ్ ఓపెన్లో మెద్వెదెవ్, నాదల్.. ఇద్దరూ సెమీస్ చేరకుండానే టోర్నీ నుంచి నిష్క్రమించారు. మెద్వెదెవ్.. క్రిస్టియన్ గారిన్ చేతిలో ఓడిపోగా.. అలెగ్జాండర్ జ్వరెవ్ చేతిలో నాదల్ పరాజయం పాలయ్యాడు.
ఇదీ చదవండి: ఆసీస్ మాజీ క్రికెటర్ హస్సీకి మరోసారి కొవిడ్ పాజిటివ్
