French Open: క్వార్టర్స్​లో కోకో.. సరికొత్త రికార్డు​

ఫ్రెంచ్​ ఓపెన్​లో(French Open) భాగంగా సోమవారం జరిగిన పోటీల్లో కోకో గాఫ్​(యూఎస్​) నెగ్గి క్వార్టర్​ ఫైనల్స్​కు చేరింది. ఈ రౌండ్​కు చేరుకున్న పిన్నవయస్కురాలిగా(17ఏళ్లు) రికార్డుకెక్కింది.

ఫ్రెంచ్​ ఓపెన్​లో(French Open) నెం.24సీడ్​ కోకో గాఫ్​(యూఎస్​) అదరగొట్టింది. ప్రత్యర్థులను చిత్తు చేస్తూ క్వార్టర్​ ఫైనల్​కు చేరుకుంది. గత 15 ఏళ్లలో ఈ రౌండ్​కు చేరుకున్న అతితక్కువ వయసుగల క్రీడాకారిణిగా(17ఏళ్లు) ఘనత సాధించింది. ఈ రౌండ్​కు చేరుకోవడంపై ఆమె హర్షం వ్యక్తం చేసింది.

సోమవారం జరిగిన పోటీల్లో భాగంగా తునిషియా ఆన్స్​ జాబర్​ (Tunisia's Ons Jabeur)ను 6-3, 6-1తేడాతో మట్టికరిపించింది. ఈ పోరు 53నిమిషాల పాటు సాగింది. క్వార్టర్​ ఫైనల్స్​లో బార్బొరా క్రెజ్​సికోవా(Barbora Krejcikova)తో తలపడనుంది.

ఇదీ చూడండి సెరెనాకు షాకు.. ప్రీక్వార్టర్స్​లోనే ఇంటిముఖం