ఈ ఏడాది పారిస్ మాస్టర్స్ టైటిల్ తనకు అవసరం లేదని టెన్నిస్ ప్రంపంచ నంబర్-1 ఆటగాడు జకోవిచ్ అన్నాడు. సవరించిన ర్యాంకింగ్ విధానం వల్ల పారిస్ టూర్లో ఆడి, పాయింట్లను కోల్పోవడానికి తాను సిద్ధంగా లేనని చెప్పాడు.
రెండో స్థానంలో ఉన్న రఫెల్ నాదల్కు, తనకు మధ్య దూరం పెరగడానికి ఈ ఏడాది చివర్లో ఆడుతానని చెప్పాడు. నంబర్ 1 ఆటగాడిగా టెన్నిస్ చరిత్రలో ఎక్కువకాలం నిలిచిపోవాలనుకుంటున్నానని తెలిపాడు.
"నేను పారిస్లో ఆడి, నా పాయింట్స్ పోగొట్టుకోను. కానీ, వియన్నా, లండన్ టూర్లకు మాత్రం వెళ్తాను. వియన్నాలో గతేడాది నేను ఆడలేదు కాబట్టి నాకు 500 పాయింట్లు వచ్చే అవకాశముంది. లండన్ టూర్లోనూ చాలా పాయింట్లు లభిస్తాయి. కానీ, అది నా ప్రాధాన్యత కాదు. నేను త్వరగా పాయింట్లను సంపాదించాలనుకుంటున్నాను. తర్వాతి సీజన్ వచ్చేవరకు నాదల్తో పాయింట్ల వ్యత్యాసంలో సాధ్యమైనంత దూరంలో ఉంటాను. పారిస్లో నాదల్ ఆడినా, ఆడకపోయినా తేడా ఏమీ ఉండదు. ఎందుకంటే.. అది నా చేతుల్లోనే ఉంది."
-- జకోవిచ్, టెన్నిస్ ఆటగాడు.
గత సీజన్లో 36వ పారిస్ మాస్టర్స్ టైటిల్ను గెలుచుకున్నాడు జకోవిచ్. ఈ టోర్నీలో ఎక్కువసార్లు విజేతగా నిలిచి రఫెల్ నాదల్ రికార్డును చెరిపేశాడు.
ఇదీ చూడండి:పెళ్లి దుస్తుల్లో మహిళా క్రికెటర్ ఫోజులు.. నెట్టింట వైరల్
