ప్రపంచ నంబర్వన్ టెన్నిస్ క్రీడాకారుడు నోవాక్ జకోవిచ్... దుబాయ్ ఛాంపియన్షిప్లో విజేతగా నిలిచాడు. ఈ టోర్నీలో తనకు తిరుగులేదని మరోసారి నిరూపించుకున్నాడు. దుబాయ్ సెంట్రల్ కోర్టు వేదికగా శనివారం జరిగిన తుది పోరులో 6-3, 6-4 తేడాతో గ్రీస్ ప్రేయర్ స్టెఫానోస్ సిట్సిపాస్ను ఓడించాడు. ఫలితంగా కెరీర్లో ఐదోసారి ఈ ఛాంపియన్షిప్ టైటిల్ను ముద్దాదాడు.
జకో- సిట్సిపాస్ మధ్య తుది పోరు 79 నిమిషాల్లో ముగిసింది. ఈ గెలుపుతో తన కెరీర్లో 79వ టైటిల్ చేరింది. అంతేకాకుండా స్టెఫానోస్తో ఆడిన 8 మ్యాచ్ల్లోనూ ఇతడే పైచేయి సాధించాడు.
ఐదేళ్లుగా టాపర్..
దాదాపు ఐదేళ్లుగా ప్రపంచ టెన్నిస్ ర్యాంకింగ్స్లో అగ్ర స్థానంలోనే కొనసాగుతున్నాడు జకో. 2019 నుంచి ఈ వీరుడు 21మ్యాచ్లు ఆడగా అన్నింట్లోనూ గెలిచాడు. ఈ సీజన్లో జరిగిన 18 మ్యాచ్ల్లోనూ ఇతడే విజేత. ఈ ఏడాది ఇప్పటికే ఏటీపీ కప్, 8వ ఆస్ట్రేలియన్ ఓపెన్ టైటిల్ ఖాతాలో వేసుకున్నాడు.
దుబాయ్ ప్రభుత్వం గోల్డెన్ వీసా...
దుబాయ్ ఛాంపియన్షిప్ నెగ్గిన ఈ సెర్బియా ప్లేయర్ జకోవిచ్కు... ప్రతిష్ఠాత్మకమైన గోల్డెన్ వీసాను అందించింది అక్కడి ప్రభుత్వం. దీని ద్వారా ఆ దేశ పౌరుడిగా 10 ఏళ్లు నివాసముండేందుకు వీలుంటుంది. గతేదాడి దుబాయ్ ప్రధాని షేక్ మహ్మద్ బిన్ రషీద్..ఈ వీసా ప్రవేశపెట్టారు. ప్రముఖ వ్యాపారవేత్తలు, ప్రముఖులు, వారి కుటుంబాలకు ఈ వీసాను విడతల వారిగా మంజూరు చేస్తోంది ఆ దేశ ప్రభుత్వం. ప్రపంచ ప్రఖ్యాత ఫుట్బాల్ ప్లేయర్ క్రిస్టియానో రొనాల్డొ గతంలో ఈ వీసాను అందుకున్నాడు.
ఇదీ చూడండి.. తొలి ఇన్నింగ్స్లో భారత్ 242 ఆలౌట్.. కివీస్ 63/0
